Rezarta Schuetz (Gaba)

Eksperienca profesionale

- Ka punuar për 15 vjet në organizata ndërkombëtare − OKB dhe OSBE − si këshilltare ligjore dhe shefe e Seksionit të Shtetit të së Drejtës (respektivisht). Në këto funksione, ajo ka punuar në të drejtë penale (krime ndëretnike dhe krime të tjera të rënda) në të gjitha instancat.

- Si shefe e Seksionit për Shtetin e së Drejtës, znj. Gaba-Schuetz:
• ka udhëhequr monitorimin dhe ka raportuar mbi respektimin e të drejtave procedurale të palëve në çështje gjyqësore të profilit të lartë;
• ka monitoruar zbatimin e standardeve dhe ka zbatuar reformën në procedurën penale, risitë në politikat e dënimit penal dhe zbatimin e standardeve të vendosura nga GJEDNJ-ja;
• si dhe ka punuar me institucionet vendase për zbatimin e reformave në fushën e pavarësisë së gjyqësorit dhe prokurorisë dhe të sistemit të llogaridhënies.

- Ka punuar gjerësisht në disa aspekte të të drejtave të njeriut, konceptet dhe praktikat më të mira ndërkombëtare të ndihmës juridike dhe standardet e qeverisjes së mirë

- Ka punuar me hartim legjislacioni në fushën e reformave të pronës bujqësore dhe industrisë ushqimore dhe ka përfaqësuar Republikën e Shqipërisë në gjykata të huaja dhe arbitrazh ndërkombëtar në mosmarrëveshje që lidheshin me investimet e huaja

1998-2000- Pedagoge e jashtme e Fakultetit të Drejtësisë dhe Shkollës së Magjistraturës. Znj. Gaba-Schuetz ka punuar me reformën në arsimin juridik dhe ka dhënë lëndët “Etikë ligjore”, “E drejta kushtetuese e krahasuar” dhe “Shkrim e arsyetim ligjor”
1993-1996- Juriste e qeverisjes qendrore

Shënim: CV është marrë nga faqja zyrtare e KPA

Arsimi

1992- Diplomuar në Fakultetin e Drejtësisë, Universiteti i Tiranës
1996-1997 - Master në Institucionet Ligjore (LL.M.) në Universitetin e Wisconsin-it (SHBA), Madison