Për rishpërndarjen e fondeve buxhetore të pagave “Shpenzime Personeli”, brenda programit “Buxheti Gjyqësor” të shumës prej 3,500,000 lekë, duke pakësuar fondin e pagave të Gjykatës së Rrethit Gjyqësor Tiranë dhe Gjykatës së Rrethit Gjyqësor Gjirokastër, përkatësisht 2,500,000 lekë dhe 1,000,000 lekë dhe duke shtuar fondin e “Shpenzimeve të personelit” për Gjykatën e Posaçme të Shkallës së Parë për Korrupsionin dhe Krimin e Organizuar.
Për miratimin e procesverbaleve të mbledhjeve të Këshillit të Lartë Gjyqësor të datave 20.07.2020; 23.07.2020; 30.07.2020 dhe 07.08.2020.
Për kriteret dhe procedurat e lëvizjes paralele të gjyqtarëve.
Për komandimin e gjyqtares znj. {…} në skemën e delegimit të ngritur pranë Këshillit të Lartë Gjyqësor, me afat deri në një vit, që mund të ndërpritet ose zgjatet në varësi të rrethanave.
Gjyqtarja e skemës së delegimit znj. {…} caktohet për të gjykuar pranë Gjykatës së Apelit Korçë për periudhën deri më datë 16.09.2021.
Për fillimin e procedurës së përshpejtuar të detyruar të vlerësimit etik dhe profesional viti kalendarik 2019, për gjyqtarët që kanë plotësuar kriteret ligjore të kandidimit për ngritje në detyrë në Gjykatën e Posaçme të Shkallës së Parë për Korrupsionin dhe Krimin e Organizuar, Gjykatën e Posaçme të Apelit për Korrupsionin dhe Krimin e Organizuar dhe Gjykatat e Apelit të Juridiksionit të Përgjithshëm.