Njoftim për shtyp i Këshillit të Lartë Gjyqësor datë 10 Shtator 2020
Për rihapjen e procedurës së ngritjes në detyrë në Gjykatën e Posaçme të Shkallës së Parë për Korrupsionin dhe Krimin e Organizuar, gjithsej për katër pozicione të lira.
Njoftime Publike
Njoftim i Këshillit të Lartë Gjyqësor datë 10 Shtator 2020
Për rihapjen e procedurës së ngritjes në detyrë në Gjykatën e Apelit Shkodër, për një
pozicion të lirë në fushën e të drejtës civile;
- rihapjen e procedurës së ngritjes në detyrë në Gjykatën e Apelit Gjirokastër, për një
pozicion të lirë në fushën e të drejtës civile.
Njoftim i Këshillit të Lartë Gjyqësor datë 10 Shtator 2020
Për rihapjen e procedurës së ngritjes në detyrë në Gjykatën e Apelit Korçë, për një pozicion të lirë në fushën e të drejtës penale.
Njoftim i Këshillit të Lartë Gjyqësor datë 08-09 Shtator 2020
Këshilli i Lartë Gjyqësor, më datë 8 shtator 2020, mbështetur në nenin 146 të Kodit Zgjedhor (i ndryshuar), si dhe në zbatim të Dekretit të Presidentit të Republikës nr. 11700, datë 06.09.2020 “Për caktimin e datës së zgjedhjeve për Kuvendin”, organizoi hedhje publike të shortit për përzgjedhjen e Kolegjit Zgjedhor Gjyqësor.
Pas kësaj procedure, sot me datë 09.09.2020, Këshilli i Lartë Gjyqësor, në mbledhjen e radhës plenare miratoi me Vendimin nr. 293 datë 09.09.2020, 8 (tetë) gjyqtarët e përzgjedhur me shortin publik të datës 08.09.2020.
Njoftim për shtyp i Këshillit të Lartë Gjyqësor datë 09 Shtator 2020
Këshilli i Lartë Gjyqësor në mbështetje të nenit 146, pika 4 të “Kodit Zgjedhor të Republikës së Shqipërisë”, i ndryshuar, vendosi të organizojë më datë 10.09.2020 (nesër), ceremoninë publike të betimit të 8 (tetë) gjyqtarëve të përzgjedhur me short dhe të miratuar me Vendimin nr. 293 datë 09.09.2020, si anëtarë të Kolegjit Zgjedhor Gjyqësor.
Ceremonia e betimit, në të cilën do të ftohen përfaqësuesit e mediave do zhvillohet pranë Këshillit të Lartë Gjyqësor, në adresën Godina “Poli i Drejtësisë” (Rr. ‘Ana Komnena), ora 10:00.
Njoftim i Këshillit të Lartë Gjyqësor datë 08 Shtator 2020
Sot me datë 08.09.2020, Këshilli i Lartë Gjyqësor zhvilloi mbledhjen plenare të radhës në të cilën shqyrtoi disa çështje të rëndësishme. Më konkretisht:
Këshilli miratoi listën përfundimtare të gjyqtarëve që do jenë pjesë e shortit për përzgjedhjen e anëtarëve të Kolegjit Zgjedhor Gjyqësor, i cili do hidhet sot pasdite në ambientet e Këshillit ora 17.00 në prani të përfaqësuesve të partive politike, mediave dhe publikut. Lista përfundimtare e gjyqtarëve përbëhet nga:
- Znj. Manjola Xhaxho
- Z. Gentian Medja
- Z. Sokol Ibi
- Znj. Klodiana Mema (Veizi)
- Z. Enton Dhimitri
- Znj. Alma Kolgjoka
- Znj. Emona Muçi
- Z. Eriol Roshi
- Znj. Ornela Naqellari
- Znj. Esmeralda Çeka (Xhili)
- Z. Rexhep Bektheshi
- Znj. Margarita Buhali
- Z. Ardian Dvorani
- Z. Asim Vokshi
- Z. Artur Kalaja
- Znj. Edlira Petri