Njoftim i Këshillit të Lartë Gjyqësor datë 29 Maj 2020
Për hapjen e procedurës së ngritjes në detyrë në gjykatat e apelit me juridiksion të përgjithshëm, gjithsej për dhjetë pozicione të lira në fushën e të drejtës civile.
Njoftime Publike
Njoftim i Këshillit të Lartë Gjyqësor datë 28 Maj 2020
Sot me datë 28.05.2020, Këshilli i Lartë Gjyqësor zhvilloi mbledhjen plenare të radhës në të cilën shqyrtoi disa çështje të rëndësishme.
Këshilli vendosi rihapjen e procedurës së ngritjes në detyrë për tre pozicione të lira në Gjykatën e Posaçme të Shkallës së Parë për Korrupsionin dhe Krimin e Organizuar, për shkak të mos paraqitjes së kandidaturave pas përfundimit të afateve të shpalljes sipas vendimeve nr.94, nr.95, nr.96 datë 26.02.2020.
Njoftim i Këshillit të Lartë Gjyqësor datë 15 Maj 2020
Sot me datë 15.05.2020, Këshilli i Lartë Gjyqësor zhvilloi mbledhjen plenare të radhës në të cilën shqyrtoi disa çështje të rëndësishme.
Me qëllim mbikëqyrjen e nismës për rritjen e efikasitetit në Gjykatën e Lartë, uljen e numrit të çështjeve të prapambetura si dhe monitorimin e zbatimit të Memorandumit të Bashkëpunimit Këshilli vendosi zgjatjen e mandatit të Komisionit të Përkohshëm për hartimin e një plani veprimi lidhur me reduktimin e çështjeve të prapambetura dhe rritjen e efikasitetit në Gjykatën e Lartë, ngritur me vendimin e KLGJ-së nr.317, datë 19.12.2019.
Njoftim i Këshillit të Lartë Gjyqësor datë 14 Maj 2020
Në vazhdim të zbatimit të Marrëveshjes së Mirëkuptimit për përmirësimin e efikasitetit dhe uljen e numrit të çështjeve të prapambetura, të enjten u zhvillua takimi i radhës mes Gjykatës së Lartë, Këshillit të Lartë Gjyqësor dhe Projektit të USAID-it Drejtësi për të Gjithë.
Pjesëmarrësit rishikuan dhe diskutuan mbi kërkesat e Marrëveshjes së Mirëkuptimit dhe ranë dakord mbi disa çështje.
Njoftim i Këshillit të Lartë Gjyqësor datë 06 Maj 2020
Sot me datë 06.05.2020, Këshilli i Lartë Gjyqësor zhvilloi mbledhjen plenare të radhës në të cilën shqyrtoi disa çështje të rëndësishme. Më konkretisht Këshilli miratoi fillimin e procedurës së verifikimit të kritereve ligjore të kandidimit për gjyqtar në Gjykatën e Lartë, për kandidatët nga radhët e gjyqtarëve që kanë aplikuar për pozicionet e lira të shpallura me Vendimin nr.82, datë 26.02.2020 (në fushën e të drejtës administrative) dhe me Vendimin nr.85, datë 26.02.2020 (në fushën e të drejtës civile), të Këshillit të Lartë Gjyqësor.
Komunikatë për shtyp i Këshillit të Lartë Gjyqësor datë 06 Maj 2020
Në kuadër të nisjes së zbatimit të Marrëveshjes së Mirëkuptimit të nënshkruar rishtazi në mbështetje të Gjykatës së Lartë për përmirësimin e efikasitetit dhe uljen e numrit të çështjeve të prapambetura, u zhvillua të mërkurën një takim midis Gjykatës së Lartë, Këshillit të Lartë Gjyqësor dhe Projektit të USAID-it Drejtësi për të Gjithë.
Kryetarja e Këshillit të Lartë Gjyqësor Znj. Naureda Llagami, Zv.Kryetari i Gjykatës së Lartë Z. Ardian Dvorani, si edhe anëtarët e kësaj gjykate, gjyqtarët Sokol Sadushi, Ilir Panda dhe Ervin Pupe, u takuan me Drejtoren e Projektit Znj. Anne Trice dhe Zv. Drejtoren e Projektit Znj. Olta Lolo, për të diskutuar rreth hapave konkretë për zbatimin e kësaj marrëveshje.