Njoftime Publike

Njoftim i Këshillit të Lartë Gjyqësor datë 22 Prill 2020

Në mbledhjen e tij të radhës, Këshilli i Lartë Gjyqësor vendosi rifillimin e veprimtarisë dhe shërbimeve gjyqësore në të gjitha gjykatat në Republikën e Shqipërisë,më datë 27 prill 2020.

Veprimtaria e gjykatave do të vijojë sipas kufizimeve të përcaktuara në Aktin Normativ nr.9, datë 25.03.2020, “Për marrjen e masave të veçanta në fushën e veprimtarisë gjyqësore, gjatë kohëzgjatjes së gjendjes së epidemisë së shkaktuar nga COVID-19”, i miratuar nga Kuvendi i Shqipërisë në datën 16.04.2020.

Më shumë  

Njoftim i Këshillit të Lartë Gjyqësor datë 16 Prill 2020

Sot, në datën 16.04.2020, Këshilli i Lartë Gjyqësor zhvilloi mbledhjen plenare të radhës, në respekt të plotë të detyrimeve të përcaktuara në aktet ligjore dhe nënligjore në fuqi për shmangien e përhapjes së virusit COVID-19, duke e realizuar përmes platformës elektronike “Microsoft Teams”, tashmë e aksesueshme drejtpërdrejt edhe nga mediat.

Mbledhja nisi me ngritjen e Komisionit të Përkohshëm për hartimin, propozimin dhe mbikëqyrjen e zbatimit të një plani masash për ushtrimin e veprimtarisë së shërbimeve gjyqësore në mënyrën më të sigurtë të mundshme gjatë kohëzgjatjes së epidemisë së shkaktuar nga virusi Covid-19. Pas shortit, anëtarë të këtij Komisioni u zgjodhën, znj. Naureda Llagami, në cilësinë e kryetares, z. Medi Bici, znj. Brunilda Kadi, znj. Marçela Shehu dhe z. Erjon Muharremaj.

Më shumë  

Njoftim i Këshillit të Lartë Gjyqësor datë 07 Prill 2020

Të dashur bashkëqytetarë!

Duke marrë shkas nga vijimi i situatës së fatkeqësisë natyrore në vend e krijuar nga virusi COVID-19, Këshilli i Lartë Gjyqësor mori vendimin për të vijuar pezullimin e veprimtarisë dhe shërbimeve gjyqësore në të gjitha gjykatat në Republikën e Shqipërisë, deri në datën 22 prill 2020, me përjashtim të çështjeve urgjente.

Këshilli i Lartë Gjyqësor i kushton rëndësi parësore sigurisë së publikut, gjyqtarëve dhe të gjithë punonjësve të tjerë të gjykatave. Këto janë kohë të paprecedenta për të gjithë botën dhe ne, ashtu si dhe ju, jemi duke punuar për të gjetur rrugën më të mirë për të ecur përpara. Ne mbështesim marrjen e masave të vazhdueshme për mbrojtjen e vendit dhe të gjithë qytetarëve nga përhapja e virusit COVID-19.

Më shumë  

Njoftim i Këshillit të Lartë Gjyqësor datë 30 Mars 2020

Sot, në datën 30.03.2020 Këshilli i Lartë Gjyqësor zhvilloi mbledhjen plenare të radhës, në respekt të plotë të detyrimeve të përcaktuara në aktet ligjore dhe nënligjore në fuqi për shmangien e përhapjes së virusit COVID-19, duke e realizuar përmes platformës elektronike “Microsoft Teams”, me asistencën teknike të Projektit EURALIUS V.

Këshilli miratoi Memorandumin e Mirëkuptimit ndërmjet, KLGJ, Projektit Drejtësi për të Gjithë (USAID) dhe Gjykatës së Lartë. Kjo nismë e shumëpritur, vjen menjëherë pas dekretimit nga Presidenti i Republikës të 3 anëtarëve të rinj të Gjykatës së Lartë, dhe ka për qëllim uljen e numrit të çështjeve të prapambetura në këtë gjykatë, duke synuar dhënien e një drejtësie të shpejtë dhe pa vonesa për qytetarët.

Më shumë  

Njoftim i Këshillit të Lartë Gjyqësor datë 26 Mars 2020, për pezullim veprimtarie

Të dashur bashkëqytetarë!

Duke marrë shkas nga situata në vend e krijuar nga virusi COVID-19, Këshilli i Lartë Gjyqësor ka marrë para dy ditësh vendimin për të vijuar pezullimin e veprimtarisë dhe shërbimeve gjyqësore në të gjitha gjykatat në Republikën e Shqipërisë, deri në datën 7 prill 2020, me përjashtim të çështjeve urgjente.

Ky nuk është një vendim i marrë lehtësisht, por jemi të angazhuar për të garantuar sigurinë e publikut, gjyqtarëve dhe të gjithë punonjësve të tjerë të gjykatave. Këto janë kohë të paprecedenta për të gjithë botën dhe ne, ashtu si dhe ju, jemi duke punuar për të gjetur rrugën më të mirë për të ecur përpara. Ne mbështesim marrjen e masave të vazhdueshme për mbrojtjen e vendit dhe të gjithë qytetarëve nga përhapja e virusit COVID-19.

Më shumë  

Njoftim i Këshillit të Lartë Gjyqësor datë 24 Mars 2020, për pezullim veprimtarie

Këshilli i Lartë Gjyqësor njofton opinionin publik se në kushtet kur situata në vend lidhur me infeksionin e shkaktuar nga COVID-2019, vijon të jetë e pandryshuar, me vendimin Nr.128, datë 24.03.2020, ka vendosur të vijojë pezullimin e veprimtarisë dhe shërbimeve gjyqësore në të gjitha gjykatat në Republikën e Shqipërisë.

Më shumë