Njoftime Publike

Njoftim për shtyp i Këshillit të Lartë Gjyqësor datë 22 Korrik 2022

Sot, në datën 22.07.2022, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi projektvendimet lidhur me caktimin në pozicion të gjyqtarëve të emëruar në datën 20.07.2022 dhe në përfundim vendosi si më poshtë:
Gjyqtari i emëruar z. Ledio Sali caktohet në pozicion pranë Gjykatës Administrative të Shkallës së Parë Durrës;
Gjyqtari i emëruar z. Klarent Demiri caktohet në pozicion pranë Gjykatës Administrative të Shkallës së Parë Shkodër;
Gjyqtari i emëruar z. Sokol Mara caktohet në pozicion pranë Gjykatës së Rrethit Gjyqësor Kavajë;
Gjyqtarja e emëruar znj. Megi Strakosha caktohet në pozicion pranë Gjykatës së Rrethit Gjyqësor Elbasan;
Gjyqtari i emëruar z. Elton Frashëri caktohet në pozicion pranë Gjykatës së Rrethit Gjyqësor Elbasan;
Gjyqtari i emëruar z. Elis Dine caktohet në pozicion pranë Gjykatës së Rrethit Gjyqësor Elbasan;
Gjyqtarja e emëruar znj. Eva Hysko caktohet në pozicion pranë Gjykatës së Rrethit Gjyqësor Lezhë;
Gjyqtari i emëruar z. Rudi Laze caktohet në pozicion pranë Gjykatës së Rrethit Gjyqësor Fier;
Gjyqtari i emëruar z. Edison Tatoshaj caktohet në pozicion pranë Gjykatës Administrative të Shkallës së Parë Vlorë;
Gjyqtarja e emëruar znj. Lirëza Sinollari caktohet në pozicion pranë Gjykatës së Rrethit Gjyqësor Vlorë;
Gjyqtari i emëruar z. Nertil Dushku caktohet në pozicion pranë Gjykatës së Rrethit Gjyqësor Fier;
Gjyqtarja e emëruar znj. Dajana Ndreja caktohet në pozicion pranë Gjykatës së Rrethit Gjyqësor Fier;
Gjyqtarja e emëruar znj. Emirjana Dimo caktohet në pozicion pranë Gjykatës së Rrethit Gjyqësor Vlorë;
Gjyqtarja e emëruar znj. Gladiola Bregu caktohet në pozicion pranë Gjykatës së Rrethit Gjyqësor Fier;
Gjyqtarja e emëruar znj. Dorina Stroka caktohet në pozicion pranë Gjykatës së Rrethit Gjyqësor Vlorë;
Gjyqtarja e emëruar znj. Ina Barjamaj caktohet në pozicion pranë Gjykatës Administrative të Shkallës së Parë Gjirokastër;
Gjyqtarja e emëruar znj. Ardiola Çela caktohet në pozicion pranë Gjykatës së Rrethit Gjyqësor Berat;
Gjyqtari i emëruar z. Orgent Nazaj caktohet në pozicion pranë Gjykatës së Rrethit Gjyqësor Shkodër;
Gjyqtarja e emëruar znj. Albana Misja caktohet në pozicion pranë Gjykatës së Rrethit Gjyqësor Berat;
Gjyqtarja e emëruar znj. Gentiana Shukullari caktohet në pozicion pranë Gjykatës së Rrethit Gjyqësor Korçë;
Gjyqtarja e emëruar znj. Dejvi Çelçima caktohet në pozicion pranë Gjykatës së Rrethit Gjyqësor Sarandë;
Gjyqtarja e emëruar znj. Suada Kurti caktohet në pozicion pranë Gjykatës së Rrethit Gjyqësor Kukës.
Gjyqtarja e emëruar znj. Ermelinda Fejzo caktohet në pozicion pranë Gjykatës së Rrethit Gjyqësor Tropojë.

Më shumë

Njoftim për shtyp i Këshillit të Lartë Gjyqësor datë 21 Korrik 2022

Sot, në datën 21.07.2022, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Këshilli vendosi shpalljen e pozicioneve të lira për të diplomuarit në përfundim të programit trevjeçar të formimit fillestar në Shkollën e Magjistraturës, në vitin akademik 2021-2022 dhe të emëruar gjyqtarë më datë 20.07.2022, si më poshtë:
• dy pozicione në Gjykatën e Rrethit Gjyqësor Berat;
• tre pozicione në Gjykatën e Rrethit Gjyqësor Elbasan;
• katër pozicione në Gjykatën e Rrethit Gjyqësor Fier;
• një pozicion në Gjykatën e Rrethit Gjyqësor Kavajë;
• një pozicion në Gjykatën e Rrethit Gjyqësor Korçë;
• një pozicion në Gjykatën e Rrethit Gjyqësor Kukës;
• një pozicion në Gjykatën e Rrethit Gjyqësor Lezhë;
• një pozicion në Gjykatën e Rrethit Gjyqësor Sarandë;
• një pozicion në Gjykatën e Rrethit Gjyqësor Shkodër;
• një pozicion në Gjykatën e Rrethit Gjyqësor Tropojë;
• tre pozicione në Gjykatën e Rrethit Gjyqësor Vlorë;
• një pozicion në Gjykatën Administrative të Shkallës së Parë Durrës;
• një pozicion në Gjykatën Administrative të Shkallës së Parë Gjirokastër;
• një pozicion në Gjykatën Administrative të Shkallës së Parë Shkodër;
• një pozicion në Gjykatën Administrative të Shkallës së Parë Vlorë.

Më shumë

Njoftim për shtyp i Këshillit të Lartë Gjyqësor datë 20 Korrik 2022

Sot, në datën 20.07.2022, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon: Në përfundim të procedurave të verifikimit të kushteve dhe kritereve ligjore të kandidatëve për magjistratë, profili gjyqtar, të diplomuar në Shkollën e Magjistraturës për vitin akademik 2021-2022, Këshilli vendosi kualifikimin e 23 kandidatëve dhe në vijim emërimin e tyre si gjyqtarë. Gjithashtu, Këshilli vendosi pezullimin e procedurës së verifikimit të pasurisë dhe figurës për një nga kandidatët.

Më shumë

Njoftim për shtyp i Këshillit të Lartë Gjyqësor datë 13 Korrik 2022

Sot në datën 13.07.2022, Kryetarja e Këshillit të Lartë Gjyqësor, znj. Naureda Llagami e shoqëruar nga zëvendëskryetari z. Ilir Rusi dhe znj. Brikena Ukperaj, Kryetare e Komisionit të Vlerësimit të Etikës dhe Veprimtarisë Profesionale mori pjesë në seancën dëgjimore për hartën e re gjyqësore, të zhvilluar para Komisionit për Çështjet Ligjore, Administratën Publike dhe të Drejtave të Njeriut, të Kuvendit të Republikës së Shqipërisë.
Ndër të tjerë ishin të pranishëm në këtë seancë të mbajtur mbi kërkesën e deputetëve të opozitës parlamentare për projektin e hartës së re gjyqësore: z. Ulsi Manja, Ministër i Drejtësisë, z. Alfred Balla, Kryetar i Këshillit të Lartë të Prokurorisë, z. Maksim Haxhia, Kryetar i Dhomës Kombëtare të Avokatisë, znj. Ermonela Ruspi, Komisionere e Seksionit të Veçantë në institucionin e Avokatit të Popullit, znj. Erida Skëndaj, Drejtore Ekzekutive e Komitetit Shqiptar të Helsinkit, gjyqtarë, përfaqësues të East-West Management Institute, Këshillit të Evropës, Delegacionit të BE, ambasadës së SHBA, OPDAT, etj.
Gjatë fjalës së saj, znj. Llagami prezantoi procesin e ndjekur për realizimin e hartës së re gjyqësore, hartuar nga një grup pune i ngritur menjëherë pas krijimit të institucionit, me përfaqësues të KLGJ, gjyqtarë e përfaqësues të Ministrisë së Drejtësisë.
Znj. Llagami u shpreh se harta synon shpërndarjen e drejtë të burimeve njerëzore dhe që ngarkesa e gjyqtarëve të jetë e njëjtë në të gjithë vendin. Kryetarja e KLGJ-së sqaroi se harta e re gjyqësore është hartuar si detyrim ligjor dhe për hartimin e saj është marrë ekspertiza e Këshillit të Europës, projektit të USAID, OSBE-së dhe delegacionit të BE-së. ...

Më shumë

Njoftim për shtyp i Këshillit të Lartë Gjyqësor datë 20 Qershor 2022

Sot, në datën 20.06.2022, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Këshilli miratoi vendimin për fillimin e procedurës së verifikimit të kritereve ligjore dhe caktimin me short te relatorëve për 8 kandidatë, për ngritjen në detyrë në Gjykatën e Lartë, për pozicionin e lirë të shpallur me Vendimin nr. 178, datë 11.05.2022, të Këshillit të Lartë Gjyqësor.
Më tej Këshilli miratoi vendimin për emërimin e znj. Orjela Skënderi në Njësinë e Shërbimit Ligjor në Gjykatën e Apelit Korçë, emërimin e znj. Stela Qako në Njësinë e Shërbimit Ligjor në Gjykatën e Apelit Tiranë dhe emërimin e znj. Blerta Aliu në Njësinë e Shërbimit Ligjor në Gjykatën e Apelit Tiranë.
Në mbledhjen plenare Këshilli i Lartë Gjyqësor miratoi vendimin për caktimin në skemën e delegimit të gjyqtarit z. Arben Dosti në Gjykatën e Apelit Gjirokastër.
Gjithashtu Këshilli miratoi vendimin për caktimin në skemën e delegimit të gjyqtarit z. Markelian Koça në Gjykatën e Apelit Durrës.
Në vijim të mbledhjes, Këshilli miratoi vendimin për caktimin në skemën e delegimit të gjyqtares znj. Adelajda Gjuzi në Gjykatën e Apelit Vlorë.

Më shumë

Njoftim për shtyp i Këshillit të Lartë Gjyqësor datë 15 Qershor 2022

Sot në datën 15.06.2022, Kryetarja e Këshillit të Lartë Gjyqësor, znj. Naureda Llagami e shoqëruar nga zëvendëskryetari z. Ilir Rusi dhe z. Klodian Kurushi, Kryetar i Komisionit të Zhvillimit e Karrierës, prezantoi në seancë dëgjimore “Raportin Vjetor” mbi gjendjen e sistemit gjyqësor dhe veprimtarinë e Këshillit të Lartë Gjyqësor gjatë vitit 2021, të zhvilluar para Komisionit për Çështjet Ligjore, Administratën Publike dhe të Drejtat e Njeriut, të Kuvendit të Republikës së Shqipërisë. Znj. Llagami bëri një prezantim gjithëpërfshirës të veprimtarisë së Këshillit të Lartë Gjyqësor, rezultateve dhe sfidave kryesore të Këshillit për të ruajtur ritmin e veprimtarisë në kuadër të përmbushjes së kompetencave kushtetuese, ligjore dhe strategjike, por mbi të gjitha për të garantuar funksionalitetin e gjykatave në funksion të ofrimit të shërbimeve gjyqësore për publikun. Në përfundim të këtij raporti Kryetarja znj. Naureda Llagami iu përgjigj pyetjeve të deputetëve të Kuvendit të Shqipërisë për “Hartën e re gjyqësore”, duke sqaruar si më poshtë: “Janë bërë tetë takime konsultimesh publike. Kanë qenë të pranishëm përfaqësues të Dhomave Vendore të Avokatisë. Janë bërë edhe dy takime të tjera me përfaqësues të Shoqërisë Civile. Pas opinioneve që ka marrë grupi i punës, KLGJ ka miratuar raportin vlerësuar mbi riorganizimin e rretheve gjyqësore dhe gjykatave” deklaroi kryetarja.

Më shumë