Njoftime Publike

Njoftim për shtyp i Këshillit të Lartë Gjyqësor datë 25 Janar 2021.

Sot në datën 25.01.2021, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Në funksion të plotësimit të pozicioneve të lira në gjykata, për shkak të mos aplikimit në disa shpallje të mëparshme, Këshilli vendosi rihapjen e procedurave së ngritjes në detyrë, përkatësisht për një pozicion të lirë në Gjykatën e Apelit Korçë, dhe dy pozicione në Gjykatën e Apelit Shkodër.
Në vijim, duke vlerësuar rëndësinë e gjykatave të posaçme në luftën kundër krimit të organizuar dhe korrupsionit, Këshilli vendosi rishpalljen e procedurës së ngritjes në detyrë për gjashtë pozicione të lira në Gjykatën e Shkallës së Parë dhe 3 pozicione në atë të Apelit për Korrupsionin dhe Krimin e Organizuar.
Gjithashtu, pas shkarkimit nga Komisioni i Pavarur i Kualifikimit, Këshilli vendosi deklarimin e mbarimit të caktimit të përkohshëm dhe transferimin e gjyqtarit {…}.
Në përfundim, pas shqyrtimit të kërkesave të disa gjykatave, Këshilli vendosi caktimin e gjyqtarëve për gjykimin e çështjeve gjyqësore të veçanta.

Më shumë  

Njoftim për shtyp i Këshillit të Lartë Gjyqësor datë 21 Janar 2021.

Sot në datën 21.01.2021, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Në vijim të procedurave për plotësimin e vendeve vakant në gjykatat e Apelit, Këshilli vendosi verifikimin e plotësimit të tre kritereve të kandidimit për ngritjen në detyrë në Gjykatën e Apelit Vlorë, nga kandidati z. Genti Dokollari, dhe vijimin e procedurës së verifikimit për kriteret e tjera ligjore të kandidimit.
Në zbatim të detyrimeve ligjore si dhe me qëllim vazhdimin e veprimtarisë për shqyrtimin në kohë të ankimeve kundër vendimeve të Inspektorit të Lartë të Drejtësisë për arkivimin e ankimit ose pushimin e hetimit ndaj një gjyqtari, Këshilli vendosi përbërjen e Komisionit të Përkohshëm për shqyrtimin e ankimeve, për vitin 2021.
Pas shqyrtimit të kërkesës për dorëheqje nga detyra të gjyqtarit të Gjykatës së Apelit {…}, Këshilli vendosi mbarimin e statusit të magjistratit të {…}.
Në përfundim, pas shqyrtimit të kërkesave të disa gjykatave, Këshilli vendosi caktimin e gjyqtarëve për gjykimin e çështjeve gjyqësore të veçanta.

Më shumë  

Njoftim për shtyp i Këshillit të Lartë Gjyqësor datë 14 Janar 2021.

Sot në datën 14.01.2021, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Me qëllim përmirësimin e vazhdueshëm të etikës dhe aftësive profesionale, vendosjen e standardeve të qëndrueshme sa i përket cilësisë dhe sasisë së veprimtarisë së gjyqtarit, zhvillimin e karrierës së tyre, identifikimin e nevojave për trajnim si dhe magjistratët me aftësi të veçanta, Këshilli filloi proçesin e vlerësimit periodik të gjyqtarëve duke vendosur miratimin e raporteve të para të vlerësimit etik dhe profesional për periudhat 2013-2016, si dhe për vitin 2019, për magjistratet znj. Albana Boksi dhe znj. Ilirjana Olldashi.
Në vijim të verifikimit të thelluar të kushteve dhe kritereve ligjore të kandidimit, pasurisë dhe figurës, Këshilli vendosi kualifikimin për pranimin në në Shkollën e Magjistraturës, për magjistrat, për vitin akademik 2020-2021, për kandidaten znj. Egla Mirashi.
Më tej, në përputhje me detyrimet ligjore, Këshilli vendosi fillimin e procedurës së verifikimit të pasurisë dhe figurës, kushteve dhe kritereve të emërimi, për kancelarët në detyrë, në gjykatat e posaçme për korrupsionin dhe krimin e organizuar.
Në përfundim, pas shqyrtimit të kërkesave të disa gjykatave, Këshilli vendosi caktimin e gjyqtarëve për gjykimin e çështjeve gjyqësore të veçanta.

Më shumë  

Njoftim për shtyp i Këshillit të Lartë Gjyqësor datë 08 Janar 2021.

Sot, në datën 08.01.2021, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Pasi mori në shyrtim në seancë dëgjimore publike kërkesën e Inspektorit të Lartë të Drejtësisë për fillimin e shqyrtimit të procedimit disiplinor në ngarkim të magjistratit {…}, me detyrë gjyqtar në Gjykatën e Rrethit Gjyqësor {…},. shqyrtoi kërkesën paraprake të subjektit nën procedim për dhënie kohe shtesë për njohjen me dokumentacionin e plotë objekt procedimi, me qëllim ushtrimin e të drejtës efektive të mbrojtjes, në zbatim të parimeve themelore të ligjshmërisë dhe të zhvillimit të procesit të rregullt ligjor, Këshilli vendosi të shtyjë seancën dëgjimore për në datën 29.01.2021, ora 11.00.
Gjithashtu, pas kryerjes së verifikimit të plotë të kushteve dhe kritereve ligjore të kandidimit, Këshilli vendosi kualifikimin e kandidatit z.Sokol Ibi dhe vijimin e procedurave të tjera të ngritjes në detyrë në Gjykatën Administrative të Apelit.

Më shumë  

Njoftim për shtyp i Këshillit të Lartë Gjyqësor datë 29 Dhjetor 2020

Sot në datën 29.12.2020, Këshilli i Lartë Gjyqësor zhvilloi mbledhjen plenare të radhës, në të cilën shqyrtoi çështjet si vijon:
Në vijim të shqyrtimit të kandidaturave për ngritjen në detyrë nga radhët e gjyqtarëve për anëtarë të Gjykatës së Lartë, Këshilli vendosi kualifikimin e kandidatit z. Sokol Ibi dhe vijimin e procedurave të ngritjes në detyrë, për dy pozicionet e lira në fushën e të drejtës administrative.
Po ashtu, në vijim të shqyrtimit të kandidaturave për ngritjen në detyrë në gjykatat e apelit, Këshilli vendosi kualifikimin e kandidatëve znj. Alma Kolgjoka, znj. Esmeralda Xhili, znj. Emona Muçi, dhe vijimin e procedurave të ngritjes në detyrë në Gjykatën e Apelit Tiranë dhe Gjykatën e Apelit Durrës, për pozicionet e lira të shpallura në fushën e të drejtës civile dhe penale.
Në kuadër të mirëadministrimit dhe menaxhimit të fondeve buxhetore, Këshilli vendosi detajimin e fondeve buxhetore, në sistemin gjyqësor, për vitin 2021, si dhe miratimin e nxjerrjes nga përdorimi dhe transferimin kapital të disa aseteve.

Më shumë  

Njoftim për shtyp i Këshillit të Lartë Gjyqësor datë 23 Dhjetor 2020

Pas shqyrtimit të kërkesës së z.Alfred Balla për deklarimin e njohjes së statusit të këshilltarit ligjor jomagjistrat pranë Gjykatës së Lartë, Këshilli vendosi pezullimin e shqyrtimit të saj, për shkak se kërkesa është në shqyrtim para Gjykatës së Rrethit Gjyqësor Tiranë.

Më shumë