Pasqyrimi i Reformës në Drejtësi përmes programeve mediatike është një moment i rëndësishëm për Integritetin e procesit të Vettingut dhe në tërësi Sistemit të drejtësisë. Kjo rubrikë është lidhur dhe bën tërheqje automatike të artikujve të publikuar online nga disa prej mediave në gjuhën shqipe të listuar si media që kanë ruajtur etikën në raportimin e informacionit. Përzgjedhja e medias është bërë nga zbatuesi i Projektit.
Ambasadori i Bashkimit Europian, Luigi Soreka ka përshëndetur emërimin e anëtares së shtatë të Gjykatës Kushtetuese nga presidenti Meta. Soreka shkruan se emërimi i zonjës Bejtja përforcon funksionalitetin e Gjykatës Kushtetuese.
Presidenti Ilir Meta ka dekretuar Sonila Bejtjan anëtare të Gjykatës Kushtetuese. Pasi ka marrë listën e dërguar nga KED, po ditën e sotme, Meta ka emëruar Bejtjan si anëtaren e shtatë të Gjykatës Kushtetuese.
Ambasadorja e Shteteve të Bashkuara, Yuri Kim ka falenderuar presidentin Meta për emërimin e anëtares së 7-të të Gjykatës Kushtetuese.
“Gjykata Kushtetuese ka qenë dhe duhet të jetë institucioni më i rëndësishëm në vend, siç është në çdo vend ku sundon shteti i së drejtës, pra në çdo vend demokratik. Presidenti ka bërë çdo përpjekje që Shqipëria të mos mbetet asnjë sekondë pa Gjykatë Kushtetuese funksionale, por ka ende punë për të pasur një Gjykatë plotësisht funksionale dhe për Presidentin funksionimi i Gjykatës Kushtetuese është një çështje thelbësore”, tha Meta.
Komisioni i Pavarur i Kualifikimit evidentoi pamundësi për blerjen e një autoveture, konstatim që u kundërshtua nga prokurori i Tiranës Adriano Dyrmishi. Një raport i DSIK për papërshtatshmërinë Dyrmishit është përmbysur nga Komisioni që e ka gjetur të pabazuar në prova.
Prokurori Apelit Vlorë, Pelivan Malaj kërkoi përjashtimin e trupës gjykuese duke pretenduar se nuk ishte konsideruar dhe pasqyruar në raportin e hetimit administrativ një provë të sjell prej tij. KPK ia kaloi kërkesën një trupe tjetër, ndërsa pritet të merret vendim për vijimin e seancës.